Энэбишиева Долгор Найдановна Урда-Ага нютагта түрэhэн. Шүлэг зохеожо эхилhэн сагhаа хойшо «Агын үнэн», «Толон», «Буряад үнэн» сонинуудта бүтээлнүүдээ толилуулдаг байhан. Мүнөө Улан-Удэ хотодо хореод жэлэй туршада багшынгаа мэргэжэл үргэлжэлүүлhэн зандаа. 2018 ондо «Сэдьхэлэйм уянгата хүгжэм. Шүлэгүүд ба дуунууд» гэжэ ном олоной анхаралда дурадхаhан байна. Найман бүлэгhөө бүридэhэн энэ ном түрэл hайхан Ага нютагаа магтаhан шүлэгүүдээр эхилнэ. Аба эжынгээ тоонтодо, багшанартаа, нүхэдтөө, ахай абгайнартаа, үри хүүгэдтээ зорюулжа, уянгата hайхан шүлэгүүдые бэшэжэ, иимэ hайхан ном болгожо гаргаа.
Ашата hайхан эжынэрэй hайндэрөөр дашарамдуулан, «Эжынгээ байхада» гэжэ шүлэг — танай анхаралда.
