Гэр байрада аза жаргал хэзээдэ бадаржа байхые хэшээжэ, тэрэниие анха түрүүн барижа эхилхэдэ, барижа дүүргэхэ зэргэдэ хамагай таарамжатай һара, үдэр, гараг, одые шэлэдэг юм.
Шэнэ байшан барижа эхилхэдээ, һайн гараг ба үдэр мэдэхэ хэрэгтэй. Һайн гарагууд: Дабаа – понедельник, Һагба – среда, Пүрбэ – четверг, Баасан – пятница. Һайн үдэрнүүд: 3, 7, 12, 14, 17, 19, 23 – һарын 30 үдэр сооһоо эдэ долоон үдэртэ эхилхэдэ таараха.
Байшан барижа эхилхэдээ, һарын литээр 16, мүн бишэн, туулай үдэрнүүдые шэлэхэгүй.
Барилгын хушалта бүтээжэ бүтүүлхэдээ, морин үдэрые һунгахагүй.
Баһа эдэ үдэрнүүдэй һуудал хараха ёһотой. Хэрбэеэ огторгойдо һуудалтай үдэр һаань, байшангай һуури эхилхэгүй.
Цыремжит Батоевагай суглуулбариhаа.