- Хүнтэй хөөрэлдэхэдөө шагнаад, бодомжотойгоор хөөрэлдэхэ.
- Богоһын хоёр тээ хүлөө табяад хөөрэлдэхэгүй, үүдэ нээгээд хөөрэлдэхэдэ, ехэ нүгэл гэдэг.
- Хүндэ һалаабша харуулбал, һургаалгүйгөө гэршэлжэ, эхэ эсэгын буян барагдаха, үбшэ хабшанда дайрагдажа зобохо.
- Олоной дунда хамар амаяа ухашалхагүй, нёлбохо ниихэгүй.
- Голой, худагай, булагай уһанда һү хэжэ болохогүй, сиидэмнэхэгүй – Лусадые бузарлаад үбдэхэ. Зай табихада (Лусад хүндэлхэдөө), уншалгатай хадаа болохо.
- Хүндэ хара уһа хэжэ үгэхэдэ – нүгэл, тиимэһээ һү дуһаажа, аяга соо сиидэм болгожо үгэхэ.
- Хүнэй мүрэ дээгүүр юумэ абахагүй, үгэхэшьегүй – хэшэгээ зайлаха, зөөригүй болохо.
- Үглөө бүри хүйтэн уһаар нюдэеэ угаахада, нюдэнэй хараа хүгшэртэрөө муудахагүй.
- Хоёр гарай нэрэгүй хурганда бэһэлиг зүүбэл, хэшэг гарахагүй, муу юумэн орохогүй.
- Ном судар, журнал, газетэ болон саарһан дээгүүр гэшхэжэ ябахагүй. Ном, үзэгүүд гээшэ ухаан бодолой нангин хэрэгсэл.
- Һаймһаржа һархаганахагүй, ёһорхожо шэг шарайдаа гарахагүй, бардам зангаа барид гэжэ дуугарха. Хойто түрэлдөө муу юумэн боложо түрэхэ.
- Үүдэ руугаа хаража унтахадаа, хүн хооһорхоо зүгнэхэ.
- Утаһа шүдөөрөө хазажа таһалхадаа, шүдэеэ муудхааха.
- Хүнэй урдаһаа угаадаһа, бог шорой гаргажа, хамажа болохогүй – нүгэл бэедээ хуряаха.
- Хүнэй урдуур хооһон амһартатай, угаадаһатай амһартатай гаража болохогүй.
Цыремжит Жамсарановна Батоевагай суглуулбариhаа.
