Хүнэй бэе махабадта 10 хуби уhанай багадаа hаа, хүсэ шадалай болон сэдьхэлэй тэнсүүри алдагдаха.
Сүүдхын хугасаада бэе соохи уhанай 30 хуби hэлгэгдэхэ ёhотой. Томо хүн нэгэ сүүдхэ соо хоер литр тухай уhа ууха.
Халуунда уhа ходо уугаа hаа, хүлhэ гаргуулаад, бэе соохи уhа гаргуулха, тиимэhээ халуунда уhа ехээр уухаяа нарилха. Уhа уухадаа, яаран тэбдэнгүй, аргаахан ууха юм.
Хоол барихын урда тээ ехээр уhа уухада, эдеэн бэедэ hайнаар шэнгэхэгүй. Ажал хэжэ хүлэрөөд, халаhан бэедээ ехээр уhа уубал, зарим органууд үбшэ абажа магад. Унтахынгаа урда тээ ехээр уhа уубал, бөөрэдэ, бэшэшье органуудта муу нүлөө үгэжэ, үбшэнэй эхи табиха. Тиимэhээ бэедээ наринаар хандахань шухала. Түүхэй, сэб хүйтэн, хаб халуун уhа уухада, бэедэ муу.
Үглөөгүүр бодоод, халуу бүлеэхэн уhа уухада, шуhанай хүдэлсэ, зүрхэнэй сохисо hайжардаг. Зариман 1 стакан, нүгөөдүүл 2 стакан уудаг байна. Наhатайшуулай бусалhан бүлеэхэн уhа уухада hайн гэжэ зүүн зүгэй эмнэлгэдэ бэшээтэй байдаг.
Уhа уужа hураhан зон зүн соонь уhа уугаад ябахадаа, тэнхээ тамиртай байхаhаа гадна зүрхэнэй үбшэнhөө, суухын хүндэ үбшэнhөө бэеэ hэргылнэ. Хүлэрхэдэ, хүнэй бэеын уhан арhанай нүхөөр, аминhаа гаража, уурал болодог. Саг соогоо уугдаhан уhан шуhан руу орожо, бэе hэрюусүүлхэ гэхэ.
Томо хүн hараhаа үлүү эдеэ хоолгүйгөөр байжа шадаха, харин уhагүйгөөр хэдыхэн лэ үдэр тэсэхэ. Үбдөөд халууржа байбал, уhа уухада, ехэ туhатай, арhанай нүхөөр халуун туугдаха.
Сай – уhан бэшэ, амяараа ундан. Бидэ, буряадууд, сайhаг арад гээшэбди. Зүгөөр сай зүбөөр уухань шухала.
Гашуун сай — бэедэ хорон. Ехээр гэдэhээ үлдөөд, ганса сай уухада, бэедэ муу. Унтахынгаа урда тээ сай уухагүй. Үнинэй эдеэшүүлhэн сай уухагүй. Сай ууха бүхэндөө шэнээр эдеэшүүлжэ hурахань шухала. Байд гээд лэ сай уухада, хото муугаар шэнгээдэг болохо аабза. Хамшаглаhан хүндэ сай уулгаха хэрэггүй гэдэг.
Тамхи татадаг зон бэеынгээ уhа гаргана, бэедээ хоро хэнэ. Тиимэhээ уhа ууха хэрэгтэй гээшэ.
Цыремжит Батоевагай суглуулбариhаа.
