Учил видеть прекрасное в обыденном

Жизненный путь Доржи Гомбоева, ставшего первым членом Союза художников России из Аги, очень богат и интересен. Его работы – это удивительное творчество, которое заставляет задуматься над бытом, историей и культурой бурят, разнообразием забайкальской природы.

Доржи Гомбоевич Гомбоев родился 31 марта 1939 года в селе Цокто-Хангил Читинской области. Рос и воспитывался в приемной семье, в семье родной сестры матери. Когда он учился в школе, учителя обратили внимание на его успехи в рисовании, стали привлекать к оформительской работе в школе.  После окончания Агинской средней школы продолжил оформительскую деятельность в колхозе. Там его заметил известный писатель Цыденжаб Жимбиев и помог с поступлением в художественное учебное заведение.

Доржи Гомбоевич окончив Ленинградское художественно-графическое училище имени Валентина Серова, потом художественно-графический факультет Хабаровского государственного педагогического института, на протяжении 39 лет преподавал в Агинском педагогическом училище и в созданной им детской художественной школе. С теплотой о нем вспоминают все местные художники, в основном, его ученики. Он им передавал полученные академические знания, а также учил умению видеть прекрасное в обыденном.

Создавал картины, которые рассказывают о реальных ситуациях из жизни забайкальцев.

Широко известны графические работы художника, посвященные жизни и быту бурят, многие из которых хранятся в народном музее с. Цаган-Оль Могойтуйского района. Например, серия картин «Буряты в XVII-XIX вв.», созданная в 1994 году. Это уникальные работы о жизни бурят до 19 века, позволяющие сделать экскурс в историю Аги и познакомиться с народными традициями. Работы, качественно отличающиеся ювелирной проработкой множества деталей, выполнены тушью и пером. Вот картина «Прессование войлока (для юрты)».

Прессование войлока (для юрты)

В названии автор, видимо, специально сделал пояснение «для юрты». Дело в том, что валяние больших полотнищ, например, для юрты, являлось трудоемкой работой и требовало большой затраты сил. Готовая к валянию шерсть навивалась на палку, зашивалась в кожу и привязывалась к стременам двух оседланных коней. И всадники таскают эту палку по земле до тех пор, пока войлок не сваляется. За всадниками, валяющими шерсть, несутся мальчишки, оседлавшие деревянных «коней», что было обычным явлением в жизни на стоянке. Поодаль видим юрты, рядом разожжен костер, видим группу сидящих людей. На валяние войлока приглашали соседей, которые помогали в этой тяжелой работе, собирались детишки. Так все это действо превращалось в некое праздничное мероприятие.

Или вот серия «Волки», над которой художник работал в 2012 году. Все помним, что в 2010-2012 годы на территории Забайкальского края участились случаи нападения волков на домашний скот: численность хищников превышала норму. И эта тема нашла отклик в произведениях мастера. В серии несколько работ, которые можно рассматривать отдельно друг от друга, как самостоятельные картины, не нарушая общей задумки художника. Поэтому автор на каждой картине серии ставил подписи: «Нагон», «В капкане», «Уроки. Бойня», «Беречь патроны», «Собака и Волк: сражение» и т.д.

Нагон. Из серии «Волки».

В этих работах лишь черными линиями, штрихами, используя контраст черно-белого решения, художник передает напряженность ситуации.

Много живописных и графических работ, в том числе «Переход через Хинган», «Взятие хайларского укрепрайона», посвящено темам военного конфликта на Халхин-Голе и окончания Второй мировой войны. Для военно-исторического музея Дома офицеров Забайкальского края Доржи Гомбоев сделал эскиз тематической композиции батальной панорамы. Также выпустил серию графических работ, посвящённых подвигам земляков — Героя Советского Союза Базара Ринчино и бесстрашного снайпера Тогона Санжиева.

Пейзажные полотна мастера отражают характерные особенности забайкальских просторов: «Вечереет», «Осенние дожди», «Чиндалей», «Пурга надвигается», «Хатан-Хошун», «Утро на Адун-Челоне» и т.д. Очень атмосферная картина «Осенний пейзаж» написана маслом на картоне.

Осенний пейзаж

Яркие краски осени здесь приглушены, деревья сбросили все листья – все это как будто намекает на усталость природы, на ее подготовку к зимнему сну.

Одним из программных произведений мастера стало написанное маслом полотно «Похоронка».

Похоронка

— Тоскливый осенний, как будто осиротевший, забайкальский пейзаж с мягким абрисом сопок и голыми ветками кустарников. Безмолвие пространства нарушено всадницей. Только не скачет ее конь по широкому раздолью. Понуро бредет он, предоставленный самому себе. Бережно несет свою хозяйку. Склонилась ее голова, контур поникшего тела повторяет своими очертаниями фигуру лошади. Лишь красный платок, как крик или стон, пробивает равновесие колористического покоя. Лицо всадницы выражает глубокую сердечную муку, которую не пережить, не перетерпеть. Только не может она с ней вернуться домой, вот и бредет конь по родным перелескам, плачет женское сердце о любимом. Даже природа примолкла — трудно определить время суток, — так описала картину искусствовед, кандидат культурологии Елена Иманакова. Далее она пишет: «Любопытно, что когда художник работал над этим полотном в одной из аудиторий училища, случайно заглянувшая в класс русская девушка тихонечко прошептала: «Милого, наверное, потеряла».  Когда матери художника Ринчинзиму пришла похоронка о смерти мужа, подруги спрятали ее; но Ринчинзиму почувствовала беду каким-то внутренним женским чутьем и ее охватила нечеловеческая тоска. Этой личной трагедии и посвятил полотно «Похоронка» Доржи Гомбоев».

Елена Иманакова – автор-составитель двух прекрасных иллюстрированных изданий, одно из них – «Земля моих отцов» представляет творчество художников Аги, второе –  творчество Д.Г. Гомбоева. В альбомной части изданий можно познакомиться с живописными и графическими произведениями Доржи Гомбоева, представляющими художественную энциклопедию по истории и культуре бурятского народа.

Д.Г. Гомбоев является автором сотен живописных и графических произведений, с 1972 года он участвовал в областных, краевых, зональных, республиканских выставках. Его работы хранятся в фондах Музейно-выставочного центра Забайкальского края, Агинского национального музея им. Г.Цыбикова, сельских картинных галерей и краеведческих музеев Агинского Бурятского округа, ряде частных коллекций. Его персональные выставки проходили в Чите и Агинском в 1990-х и 2000-х годах. Ушел из жизни в 2015 году.

Но он живет в своих полотнах. Желание ещё и ещё рассматривать картины Доржи Гомбоевича, размышлять над ними, вдохновляет, и как-бы согревает. Это, на наш взгляд, является показателем таланта настоящего художника, любящего свою землю и сумевшего перенести жизнь во всем ее разнообразии в искусство.

Дарима Базарова, главный библиотекарь отдела ИСО Агинской краевой библиотеки им. Ц.Жамцарано.

Источники:

• Земля моих отцов: Альбом / Сост. Е.Г.Иманакова. Чита: ИП Стеапнов М.А., 2012.
• Гомбоев Доржи Гомбоевич: Альбом/ Сост. Е.Г.Иманакова. Чита: Изд-во ПАО «Республиканская типография», 2019.

Юрын юумэн соо hайханиие хаража hургагша

Мартын 31-дэ уран зурааша, багша, Оросой Уласай Арадай гэгээрэлэй эрхим, Үбэр Байгалай хизаарай Уран урлалай габьяата ажаябуулагша Доржи Гомбоевич Гомбоев 85-тай болохо байгаа.

Агаhаа Оросой Уран зураашадай холбооной түрүүшын гэшүүн болоhон Доржи Гомбоевой наhанай зам ехэ баян ба hонин юм. Тэрэнэй ажалнууд – буряад арадай түүхэ, соел болон ажаhуудал тухай, тойроод байгша байгаалиимнай олон янзын байдаг тухай бодомжолхые баадхаhан гайхамшагта зохеолнууд мүн.

Доржи Гомбоевич Гомбоев 1939 оной мартын 31-дэ Шэтын можын Согто-Хангил нютагта түрөө. Үргэмэл бүлэдэ, эжынгээ түрэhэн эгэшын гэр бүлэдэ үндыhэн юм. Һургуулида hураха үедэнь багшанар зураха улигтайдань анхаралаа хандуулжа, hургуулиин алибаа шэмэглэлэй ажалнуудта хабаадуулдаг hэн ха. Агын дунда hургуули дүүргэhэнэй hүүлээр колхоздоо хүдэлхэдөө, шэмэглэлгын ажаябуулгаяа үргэлжэлүүлhэн байна. Тэндэ талаан бэлигыень мэдээжэ уран зохеолшо Цыденжаб Жимбиев үндэрөөр сэгнэжэ, уран зурагай hургуулида оруулха гэжэ ябуулгатаhан түүхэтэй.

Доржи Гомбоевич Ленинградай Валентин Серовой нэрэмжэтэ уран hайханай-графикын училищи, hүулээрнь Хабаровскын гүрэнэй багшанарай институдай уран hайханай-графикын таhаг дүургээд, 39 жэлэй туршада Агын багшанарай училищида ба өөрынгөө байгуулhан хүүгэдэй уран hайханай hургуулида багшалhан намтартай.  Тэрэниие нютагай бүхы уран зураашад, тэдэнэй олонхинь — Доржи Гомбоевичой шабинар, дулааханаар дурсан байдаг гээшэ. Багша тэдээндэ дээдэ hургуулида олоhон бүхы эрдэмээ дамжуулдаг, мүн юрын юумэн соо гое hайханиие хаража hургадаг байгаа бшуу.

Мастер үнэн болоhон ушарнууд дээрэ үндэhэлэн, уран зурагуудаа бүтээдэг байгаа.

Уран зураашын буряадуудай ажамидарал болон байдал зураглаhан хара зурагууд мэдээжэ, тэдэнэй олониинь Могойтын аймагай Сагаан-Уула нютагай арадай музейн жасадаг байдаг. Жэшээнь, 1994 ондо байгуулагдаhан «Буряадууд XVII-XIX зуун жэлнүүдтэ» гэhэн нэгэ маягай зурагууд. Энэ хадаа 19-дэхи зуун жэл болотор буряадууд яажа байhан бэ гэжэ бодото дээрэнь харуулhан ажалнууд болоно. Тэдээниие үзэжэ, арадай түүхэтэй, заншалнуудтай танилсахаар лэ даа. Доржи Гомбоевич эдэ ажалнууд дээрээ хүдэлхэдөө, гансал хара бэхэ ба гуурhа хэрэглэжэ, олон тоото жаахан зүйлнүүдыень тон наринаар, уранаар ажаллаhан байна.

Тэдэнэй нэгые – «Һэеы даралга» гэhэн зураг анхарая.

Һэеы даралга

Томо hэеы даралга хадаа ехэ хүндэ ажал байгаа. Түрүүн нооһо сохижо бэлдэдэг hэн. Тиигээд hэеы дарахадаа, үхэрэй гү, али адууһанай түүхэй арһые шал норгожо, нооһоёо хабтайлган табяад, жэгдэхэнээр шиигтүүлхэ. Нооһоной хүсэд нэбтэрхэдэ, утаашаа хоёр метрһээ үлүүхэн, мүлижэрхиһэн, диаметрынь 10-аад сантиметр бүдүүн монсогор модо гол табижа, нооһоёо үхэрэй арһаар орёожо хүлижэрхихэ. Голойнь үзүүрнүүд хоёр тээшээ бултайгаад байха. Тэдэ үзүүрнүүдтэнь углаhан модонуудай үзүүрһээ аргамжа шагтагалаад, хоёр нүгөө үзүүрнүүдэйнь бүтүүнүүдтэ нэгэ нэгэ һабаа угладаг һэн. Тиигээд хомууд углаһан хоёр моритой хүнүүд аргамжын үзүүрэй һабаануудые хомуудайнгаа узуур руу хадхаад, нүгөө үзүүрнүүдынь гартаа баряад ябахадань, бэлдэгдэhэн нооhон хойноһоонь мухариха. Хоёр-гурбан километр зайда урагша хойшоо 5-6 дахин ябахадань, нооһон шэрэлдэжэ, һэеы болодог байгаа. Үшөө зураг дээрэ модон «мори» унаhан хүбүүдые харанабди. Иимэ байдал малшадай буусада юрын лэ хэрэг байгаа. Тээ саана hэеы гэрнүүд харагдана, хажуудань түүдэгэй дэргэдэ – hуужа байhан зон. Иигэжэ һэеы даралга хамтын хүсөөр, бэе бэедээ туһаламжын ашаар бүтэдэг ажал һэн. Эдэ ажалнуудые хэхэ гээшэ бага зэргын һайндэршуу юумэн болодог бэлэй.

«Шононууд» гэhэн нэгэ маягай зурагууд дээрэ Доржи Гомбоевич 2012 ондо хүдэлhэн байна. Булта hанана еhотойбди, 2010-2012 онуудта Үбэр Байгалай дэбисхэр дээрэ шононуудай гэрэй амитадта добтолхо ушарнууд олон болоо бэлэй: тэдэнэй тоо хэмhээ үлүү гараhан байгаа. Энэшье ушар уран зохеолшын бүтээлнүүд соо мүнхэлэгдөө бшуу. Бүтээл бүхэниие бэеэ дааhан аминдаа зураг болоно гээдшье харахаар. Зураг бүхэн дээрэ авторай үгэhэн нэрэнүүдые харахаар: «Хүреэлэлгэ», «Хабхаанда», «Хэшээл. Алалга», «Һомо гамнаха», «Нохой ба Шоно: тулалдаан» г.м.

«Шононууд» гэжэ сериин «Хүреэлэлгэ» зураг.

Гансал хара зурлаануудые, хара сагаан хоерой эрид илгаа хэрэглэжэ, уран зурааша тэрэ үеын ушаралнуудай эршэ хүсэ дамжуулна.

Доржи Гомбоевичой олон ажалнууд, тэрэ тоодо «Хинганиие дабалга», «Хайларай бүхэжүүлэгдэhэн газар абалга», Халхын голой сэрэгэй зүрилдөөнэй ба Дэлхэйн хоердохи дайнай түгэсхэлэй сэдэбүүдтэ зорюулагданхай. Үбэр Байгалай хизаарай Офицернүүдэй байшанай сэрэгэй-түүхын музейдэ байлдаа харуулhан бүтээлэй хара зураг уран зураашын гуурhан дороhоо мүндэлhэн байна. Тиихэдэ Советскэ Союзай Баатар Базар Ринчиногой ба эрэлхэг мэргэн буудагша Тогон Санжиевай баатаршалгануудта зорюулагдаhан бүлэг зурагуудые Сагаан-Уулын соелой байшанай зурагай үзэсхэлэндэ хэжэ үгэhэн гээшэ.

Байгаали зураглаhан бүтээлнүүдынь убэр-байгалай хизаарай уужам тала дайдын онсо илгаа харуулна, жэшээнь: «Үдэшэ болобо», «Намарай бороон», «Шандали», «Шуургалхань», «Хатан-Хошун», «Адуун Шулуунай үглөөгүүр» г.м. «Намарай байгаали» гэhэн hүрөөтэй hайхан зураг картон дээрэ тоhон шэрээр бэшэгдэhэн.

Намарай байгаали

Намарай үнгын будагууд эндэ бүрүүл болгоотой, модод бүхы набшаяа хаянхай – эдэ бүгэдэ байгаали эсээ, үбэлэй хүйтэнэй сагта дуурахань гэжэ харуулhан мэтэ.

Ажамидаралай ойр зуура харуулhан үшөө нэгэ ажалынь тоhон шэрээр бэшэгдэhэн «Хара бэшэг» гэhэн зураг болоно.

Хара бэшэг

— Намарай гунигтай, үншэрhэн мэтэ, hүүдэр татаhан добонуудтай ба нюсэгэн бургааhануудтай үбэр байгалай байгаали. Мори унаhан эхэнэр энэ абяа аниргүй байдал таhална. Зүгөөр мориниинь үргэн уужам талаар хатарнагүй. Тэрэнэй жолоо табигданхай, өөрынгөө мэдэhэн тээшэ гунигтайгаар махана. Эзэеэ гамтайханаар абаад ябана. Эхэнэрэй толгой гунхынхай, hула табигдаhан бэень моринойнгоо бэеын түхэл дабтан хэбтэшэнхэй. Гансал улаан пулаад, нэгэ хашхараан гү, али еолоон мэтэ, аажам байдалай тэнсүүри эбдэhэн шэнги. Сэдьхэлэй гүнзэгы зоболон эхэнэрэй нюурта элихэнээр харагдана, тэрэниие тэсэхын, ойндоо оруулхын аргагүй. Иимэ сэдьхэлэй зоболонтой тэрэ гэртээ бусаха аргагүй, тиимэhээ мориниинь танил газараараа тэмтэрэн ябана, эхэнэрэй зүрхэн инаг дуратай тухайгаа бархирна. Байгаалишье аалин намдуу – үдэр хоногой ямар саг бэ гэжэ элирхэйлхэнь хүндэшэг, — гээд энэ зураг искусствовед, культурологиин кандидат Елена Иманакова тайлбарилhан юм. Тэрэнэй саашань бэшэhээр, уран зураашанай училищиин нэгэ таhалга соо энэ бутээл дээрээ хүдэлжэ байхада, гэнтэ класс руу ороhон ород басагахан: «Инаг дуратайгаа гээгээ юм аабы», — гэжэ шэбэнэн хэлэhэн ха. Уран зураашын Ринчинзиму эжыдэ үбгэнэйнь алдалан унаhан тухай хара бэшэгэй ерэхэдэ, нүхэд басагадынь тэрэнииень нюугаа; теэд Ринчинзиму ямар бэ даа нэгэ эхэнэрэй дотоодын зүнгөөр аюулай болоhые мэдэрээд, тэсэшэгүй уйдхар гашуудалда абташаhан байгаа. Иимэ хубиин гай зоболондо «Хара бэшэг» гэhэн зурагаа Доржи Гомбоевич зорюулаа бшуу.

Елена Иманакова – hайхан уран шэмэглэлтэй хоер хэблэл буридхэгшэ автор юм, нэгэниинь – «Минии эсэгэнэрэй нютаг» Агын уран зураашадай бүтээлнүүд тухай, хоердохинь –  Д.Г. Гомбоевой зохеохы зам тухай. Эдэ номуудай зурагуудай хэhэгтэ буряад арадай түүхын ба соелой уран hайханай тайлбари толи болоно гээд сэгнэгдэhэн Доржи Гомбоевой бүтээлнүүдтэй танилсахаар юм.

Мастер уран зурагай ба хара, будаггүй зурагай зуугаад бүтээлнүүдэй автор болодог. Тэрэ 1972 онhоо можын, хизаарай, уласай үзэсхэлэнгүүдтэ хабаадаhан гээшэ. Ажалнуудынь Үбэр Байгалай хизаарай Музейн-үзэсхэлэнэй түбэй, Г.Цыбиковэй нэрэмжэтэ Агын үндэhэн музейн, Агын Буряадай тойрогой хизаар ороноо шэнжэлэлгын музейнүүдэй жасануудта, хэдэн хубиин суглуулбаринуудта хадагалаатай. Тиихэдэ уран зураашын хубиин үзэсхэлэнгүүд 1990-2000-аад онуудта Агада ба Шэтэдэ эмхидхэгдэhэн юм. Олондо хүндэтэй уран зурааша 2015 ондо энэ наhантаяа хахасаа.

Зүгөөр тэрэнэй наhан бүтээлнүүд соонь үргэлжэлhөөр. Доржи Гомбоевичой зурагуудые дахин ба дахин хараха дуран, тэдээн дээрэ бодомжолго сэдьхэл дулаасуулан, урма зориг түрүүлдэг.

Энэ, манай hанамжаар, түрэhэн газар дайдадаа дуратай байhан, ажамидарал байhан соонь уран урлал руу дамжуулжа шадаhан еhотой уран зураашын талаан бэлиг болоно бшуу.

Дарима Базарова, Агын хизаарай номой сангай мэдээсэлэй таhагай ахамад библиотекарь.

Эшэ үндэhэн:

• Земля моих отцов: Альбом / Сост. Е.Г.Иманакова. Чита: ИП Стеапнов М.А., 2012.
• Гомбоев Доржи Гомбоевич: Альбом/ Сост. Е.Г.Иманакова. Чита: Изд-во ПАО «Республиканская типография», 2019.