«Саг» гэhэн үгэ олон тайлбаритай.
Тодорхойлбол:
- Оршон тойронхи байдалай хэмжээн. Жэшээ: hайн саг (благополучное, мирное время), сэмүүн саг (смутное время), тарган саг (благодатное, летнее время), буурай балар саг (первобытное время), сагаа хиидэ hалгаха (попусту тратить время) г.м.
- Наранай зурхайн ёhоор, сагай нэгэ хуби (час) болоно, нэгэ хубида 60 минута тоологдоно. Жэшээ: хэды саг болооб (сколько времени) г.м.
- Үдэр hүниин сагай хубиин хэмжээн. Жэшээ: үүр хираанай саг (предрассветные сумерки), үүр сайха саг (утренняя заря, рассвет), нара гараха саг (время восхода солнца), үглөөнэй улаан наранай саг (время утреннего красного солнца) г.м.
- Жэлэй дүрбэн саг (хабар, зун, намар, үбэл).
- Алибаа үйлэ хэрэгэй ябадалай удаан түргэнэй хэмжээн. Жэшээ: саг зуура (временно), саг үргэлжэ (все время, постоянно), саг сагаараа, сахилза хүхөөрөө (ничто не вечно: время движется и вновь расцветает ирис) г.м.
Цыремжит Батоевагай суглуулбариhаа.
