24 октября в Агинской краевой библиотеке имени Ц.Жамцарано прошла презентация книги ветерана педагогического труда Цыремжит Батоевой «Абын һургаал – алтан, эжын һургаал — эрдэни» (Наказ отца – золото, наказ матери – драгоценность»).
В этой книге, выпущенной специалистами Агинской краевой библиотеки имени Ц.Жамцарано, собраны отцовские наставления, заветы, испокон веков передаваемые из поколения в поколение. Это наказы или жизненные правила, которые помогают подрастающему поколению в будущем не сойти с пути истинного, не уронить своей чести и быть достойными членами общества. Объем издания небольшой, всего 55 страниц, формат А-5, но оно ценно тем, что в нем систематизирован опыт народного воспитания. Такой воспитательный опыт, педагогические сведения собирала учительница бурятского языка на протяжении десятков лет и успешно применяла на своих уроках, мероприятиях, посвященных народным традициям, обычаям.
В начале мероприятия был показан видеоролик, созданный сотрудниками библиотеки и рассказывающий о творчестве автора книги. После чего директор библиотеки Дарима Дарижапова рассказала о давнем сотрудничестве с Цыремжит Жамсарановной.
Автор книги Цыремжит Жамсарановна Батоева – учитель начальных классов и бурятского языка и литературы с многолетним стажем, Отличник народного образования РСФСР, знаток родного языка и народных традиций, на протяжении 6 лет была председателем жюри традиционного окружного конкурса «Баян даа, түрэлхи хэлэмнай!».
Это уже третья книга Цыремжит Батоевой. В 2022 году увидели свет две ее книги: «Ухаан бодолой угалза», в ней опубликованы загадки — подлинная сокровищница народной мудрости; «Аглаг дайда шэмэглэhэн адуу малнай» — энциклопедия о пяти видах домашних животных. Отметим, красочная книга «Ухаан бодолой угалза» стала лауреатом конкурса книг фестиваля «Алтаргана-2020».
Сегодня, когда наш родной язык находится на грани исчезновения, очень актуально, что издаются, пусть маленькими тиражами, книги на хорошем, богатом бурятском языке. Об этом говорил председатель Агинского окружного литературного объединения Доржи Цыденович Бадмаев.
Конечно же, в первую очередь ценится содержание книги. Но немаловажную функцию выполняет рисунок, запечатленный на обложке издания. О том, как рождалась картина о материнском счастье, вынесенная на обложку презентуемой книги, о том, как работала над ней, трогательно рассказала ее автор – Ирина Ешиевна Цыденова, преподаватель Агинской школы искусств им. К.И.Базарсадаева.
В начале 2023 года при Агинской краевой библиотеке им.Цыбена Жамцарано был создан клуб «Эжын ханза» («Бабушкин сундук»). Члены клуба, а это, в основном, ветераны педагогического труда, в течение года проводят мероприятия по изучению культуры своего народа, его языка и традиций. Ц.Ж.Батоева также является членом данного клуба, и ее соратники приняли активное участие. От их лица с поздравлениями выступила Цыпелма Жадамбаевна Цыренова.
Передача отцовских наказов из поколения в поколение – это традиция бурятского народа. Соблюдается ли эта традиция в наше время? Соблюдается! Это доказали во время блиц-игры с вопросами и ответами учащиеся 7 класса Агинской средней школы №1, принявшие участие в мероприятии со своим учителем Билигмой Доржиевной Цыдыповой.
Интересные случаи из жизни автора книги поведали ее одноклассники, однокурсники, а также благодарные ученики из Судунтуя.
Фольклор является уникальным средством для передачи народной мудрости, благодатным источником нравственного воспитания детей. Собравшиеся с удовольствием послушали народные песни в исполнении народной фольклорной группы «Түмэн жаргалан» (руководитель – С.Ц.Жамбалова).
В завершение выступила Ц.Ж.Батоева, рассказала о своей работе над книгой, подарила гостям книги с автографом, ответила на вопросы присутствовавших на мероприятии.
Знаменательно, что презентация данной книги состоялась в этом году – в Год учителя и наставника. Ведь плоды труда учителя видны не сразу. Они проявятся, когда ребенок повзрослеет. Также и с книгой «Абын һургаал – алтан, эжын һургаал — эрдэни»: сколько бы лет не прошло, книга останется бесценным источником знаний, формирующим наши традиции, образ мышления, повышающим культуру и личностное развитие.
Дарима Базарова,
главный библиотекарь отдела информационного и сервисного обеспечения
Агинской краевой библиотеки им.Ц.Жамцарано
Һургаалнууд тухай ном «нара хараба»
Октябриин 24-дэ Цыбен Жамцараногой нэрэмжэтэ Агын хизаарай номой санда «Абын hургаал – алтан, эжын hургаал – эрдэни» гэhэн согсолборитой танилсуулга болоо.
Энэ хадаа 55 нюуртай, А-5 түхэлэй саарhан дээрэ гараhан, хэмжээгээр ехэ бэшэшье hаа, арадай хүмүүжүүлгын дүй дүршэл, зан заршамуудые тайлбарилhан, гүн удхатай ном болоо.
Хэмжээ ябуулгын эхиндэ номой авторай зохеохы ажалтай танилсуулhан, номой сангай мэргэжэлтэдэй бэлдэhэн видеоролик дурадхагдаhан байна. Һүүлээрнь номой сангай Цыремжит Жамсарановна Батоеватай үнинэй хани харилсаатай байhан болон аша үрэтэйгөөр суг ажалладаг тухайгаа номой сангай захирал Дарима Баировна Дарижапова хөөрөө.
Номой автор – Ага тосхондо ажаhуудаг РСФСР-эй арадай гэгээрэлэй эрхим, багшын ажалай ветеран, бодонгууд угай Цыремжит Батоева. Тэрэ ходол буряад хэлэеэ хүгжөөхэ, ёhо заншалаа дэлгэрүүлхэ зорилготой ябадаг хүн. Жэшээнь, Буряад хэлэнэй hарын хэмжээндэ номой сангай эмхидхэдэг «Баян даа, түрэлхи хэлэмнай!» гэhэн заншалта мүрысөөнэй жюрин түрүүлэгшэ зургаан жэлэй туршада ябаа.
Түрүүшын хоёр номынь 2022 ондо «нара хараа». «Ухаан бодолой угалза» гэhэн таабаринуудай номынь бултанда хэрэгтэй ном болоо. «Аглаг дайда шэмэглэhэн адуу малнай» гэhэн ном соо мал ажалай нюусанууд тайлбарилагдаа. Эдэ номууд «Алтаргана-2020» нааданай номой мүрысөөндэ хабаадажа, «Ухаан бодолой угалза» лауреадай нэрэ зэргэдэ хүртэhэн гээшэ.
Харин «Абын hургаал – алтан, эжын hургаал – эрдэни» гэhэн ном соо элинсэгүүдэймнай һургаал заабари, ёһо гурим, ажалай ба ажаһуудалай шэнжэ тэмдэгүүд суглуулагдаа. Энэ хадаа багшын хэдэн арбаад жэлэй ажалай дүн мүн лэ даа.
Оршон үедэ, түрэл хэлэнэймнай түгшүүрилтэйхэн сагта, буряад hайн, баян, уран хэлэтэй номой согсологдожо байhаниинь тон сэнтэй байна гэжэ Жамьян Балданжабоной нэрэмжэтэ Агын уран зохёолой нэгэдэлэй түрүүлэгшэ Доржи Цыденович Бадмаев үгэ абахадаа тэмдэглэhэн байна.
Ямаршье номой удхань эгээл түрүүн сэгнэгдэдэг гээшэ ааб даа. Теэд гадарынь мүн лэ ехэхэн үүргэ дүүргэдэг. Энэ номой гадарта хэблэгдэhэн эхын жаргал тухай зураг дээрээ яагаад хүдэлөө hэнбиб гэжэ К.И.Базарсадаевай нэрэмжэтэ Агын хүүгэдэй уран урлалай hургуулиин багша Ирина Ешиевна Цыденова сэдьхэлээ хүдэлгэн хөөрэбэ.
2023 оной эхиндэ номой сангай дэргэдэ «Эжын ханза» гэhэн клуб байгуулагдаhан юм. Энэ клубай гэшүүд, олонхинь – багшын ажалай ветеранууд, ургажа ябаа үетэниие арадайнгаа ёhо заншалнуудтай болон аман зохёолтой танилсуулха хэмжээ ябуулгануудые эмхидхэдэг. Ц.Ж.Батоева мүн лэ энэ клубай эдэбхитэй гэшүүн юм. Тиин «Эжын ханза» клубай гэшүүдэй зүгhөө Цыпелма Жадамбаевна Цыренова амаршалгын үгэ хэлээ.
Эхэ эсэгэнэрнай ёhо заншалнуудаа, hургаалнуудаа үеhөө үедэ дамжуулжа, үри хүүгэдтээ хүргэжэ ябадаг. Мүнөөнэй хүүгэд аба эжынгээ hургаал заабаринуудые хэр мэдэдэг хаб? Мэдэдэг лэ байна! Энээниие хэмжээ ябуулгада Билигма Доржиевна Цыдыпова багшатаяа хабаадалсагша Агын 1-дэхи дунда hургуулиин 7-дохи ангиин hурагшад дары түргэн харюу үгэхэ нааданда гэршэлээ бшуу.
Номой авторай ажабайдалhаа hонин ушарнуудые дүтынь нүхэд – үетэн үүринэрынь болон Һудэнтэдэ заалгаhан шабинарынь хөөрэжэ, хэмжээ ябуулгада дулаахан оршон байгуулаа.
Арадай аман зохёол хадаа арадай сэсэ мэргэн hургаалнуудые, аба эжын үнэтэ захяануудые дамжуулхын шэргэшэгүй булаг мүн. Сугларагшад «Түмэн жаргалан» гэhэн арадай аман зохеолой ансамблиин гүйсэдхэhэн дуунуудые хужарлан шагнабад (хүтэлбэрилэгшэнь — Шэтэ можын уран урлалай габьяата ажаябуулагша Сэсэгма Цыдыповна Жамбалова).
Хүнэй хүн болохо хэрэгтэ аба эжын hургаалнууд айхабтар ехэ үүргэтэй. Иимэ бодолhоо hабагшалан, Цыремжит Жамсарановна элинсэгүүдэйнгээ hургаалнуудые суглуулhан байна. Энээн тухай түгэсхэлэй үгэ соогоо номой автор хэлэhэн байна.
Эдэ олон hургаал заабари согсолхын тула нилээд ехэ эрдэм мэдэсэ хэрэгтэй гэжэ ойлгохоор. Цыремжит Жамсарановна буряад арадай уг гарбал, арадай ёhо заншал, аман зохёол, уран зохёол тон hайн мэдэдэг габьяата багша. Энэ номой эгээл мүнөө, Багшын болон залан хүтэлэгшын жэлдэ «нара хараhаниинь» онсо удхатай. Багшын ажалай дүн тур зуура харагдашадаггүй ха юм. Хожомынь, магад, хэдэн арбаад жэлэй үнгэрhэн хойно, «багшамнай тиихэдэ тон зүб хэлэдэг, заадаг байгаа» гэжэ шабинарынь сэгнэн, баяр баясхалан хүргэн байдаг.
Тэрээн шэнги үе сагай үнгэрхэ бүри Цыремжит Батоевагай номуудай улам сэнтэй болохонь лабтай.
Дарима Базарова,
Ц. Жамцараногой нэр. Агын хизаарай номой сангай
мэдээсэлэй таhагай ахамад библиотекарь
