Манай номой санда уран шүлэгшэ, уран зохеолшо, сэтгүүлшэн, Россиин уран зохеолшодой холбооной гэшүүн, РФ-н соелой габьяата хүдэлмэрилэгшэ Батожаргал Гармажаповай «Минии юртэмсэ» гэhэн шэнэ ном ороо.
Батожаргал Гармажапов 1950 ондо Могойтын аймагай Догой нютагта түрэһэн юм. Үшөө һургуулиин наһанһаа шүлэгүүдые бэшэжэ эхилһэн юм. Дунда һургуулияа дүүргээд, автоклубые даагша, хаамал түхэлэй һургуулиин хүмүүжүүлэгшэ, «Россия» колхозой комсомолой эхин эмхиин секретарь гэһэн тушаалнуудта ажаллаа.
1972 онһоо Агын тойрогой радиодо редактор, удаань ахалагша редактор боложо хүдэлөө. 1983 ондо М. Горькийн нэрэмжэтэ уран зохёолой дээдэ һургуули дүүргээ. Агын телевидениин ахамад редактор, уран һайханай зүблэлэй хүтэлбэрилэгшээр ажаллаhан.
2002 онһоо Г.Ц. Цыбиковэй нэрэмжэтэ Агын үндэһэн музейн даагшаар томилогдоно. Батожаргал Гармажаповай эгээл эрхим шүлэгүүд «Байгал», «Байкал», «Дальний Восток», «Молодая гвардия», «Забайкалье», тиихэдэ «Литературная Россия», «Комсомольская правда», «Забайкальский рабочий» болон бусад һонинуудта толилогдодог байhан.
Батожаргал Гармажаповай гуурһан дороһоо гараһан номууд: «Шэнэ үльгэр», «Под доброй звездой», «Найдалай hүлдэ», «Струны души», «Любопытный разговор», «Мүшэдэй хатар», «Сэдьхэлэй дуhалнууд», «Үнгэтэ юртэмсэ», «Воспоминания о вечности», «Бүхэшэгүй зулын гэрэл», «Минии юртэмсэ».
С.В. Цыдендоржиева, номой санай мэргэжэлтэн
