2024 он – Россида Гэр бүлын жэл гээд соносхогдоhон гээшэ. Гэр бүлэ энэ дэлхэй дээрэ юунhээшье сэнтэй юм. Гэр бүлэ юртэмсын нэгэ уурхай болоно, тэндэ жаргал, баяр, этигэл, найдал, энхэрэл бии. Ямаршье гэр бүлын хамгаалагша, түшэг тулга бүhэтэй хүн болодог. Гэрэй эзэн эхэнэр хүн гал гуламтаяа сахидаг. Үри хүүгэдоо багаhаань hургажа, хүмүүжүүлхэ, хүнэй зэргэдэ гаргаха гэжэ оролдодог гээшэбди. Мүн хүүгэднай аба эжын омогорхол, найдал болоно. Энэ жэлдэ зорюулhан «Нангин hүлдэ – гэр булэ» гэhэн номой ʏзэсхэлэн Цыбен Жамцараногой нэрэмжэтэ Агын номой сангай хизаар ороноо шэнжэлэлгын таhагта зохеогдонхой. Энэ номой ʏзэсхэлэн хадаа хоер бʏлэгhоо бʏридэнэ.
«Гэр бүлын хүмүүжүүлгын нюусанууд» гэhэн нэрэтэй нэгэдэхи бʏлэгтэ үри хүүгэдөө үндылгэхэдөө ямар заабари, hургаал зааха, hургаха хэмжээ ябуулгануудта зорюулhан номууд табигданхай. Жэшээлбэл: Л. Линховоин «Лодон багшын дэбтэрhээ», Э-Х. Галшиев «Бэлигэй толи», Х. Ж. Цырендоржиева «Хүн болохо багаhаа», Ц. Батоева «Абын hургаал – алтан, Эжын hургаал – эрдэни», А.Г. Гомбожапова «Традиционные семейно-родовые обряды агинских бурят в конце ХIХ–Х в.», К.Д. Басаева «Семья и брак у бурят», Л.Ю. Дондокова «Статус женщины в традиционном обществе бурят» г.м. Харин Угай бэшэг тухай номууд энэ бүлэгтэ анхарал табин уншахаар, харахаар гэхэдэ алдуугуй. Жэшээлбэл: Н. Бальжинимаева, «Минии уг гарбал», Е. Жамбалова «Дахалайтан», «Угайм алтан hабагша» г.м.
«Эжы абатаяа уншалга – хүндэтэй саг» гэhэн хоердохи бʏлэгтэ сулоо сагтаа аба эжытэеэ hонирхожо уншаха, узэхэ номууд уншагшадай анхаралда табигданхай. Жэшээлбэл: Ц. Батоева «Ухаан бодолой угалза», «Аглаг дайда шэмэглэhэн адуу малнай», Г-Д. Дамбаев «Тодо hургаалнууд», Б. Бальжинимаев «Нютагайм багашуул», Ж. Жербаев «Байдал манай – найдал», «Толоной абдарhаа», «Алтан туяа», Б. Макаров «Самый лучший подарок», Б. Зодбоева «Ульгэр домогой уутаhаа» гэхэ мэтэ.
Хʏндэтэ уншагшад! Манай номой сан ерэжэ, хизаар ороноо шэнжэлэлгын таhагта зохеожо табиhан энэ номой ʏзэсхэлэнтэй танилсахыетнай уринабди!
Батомункуева Р.М.
Цыбен Жамцараногой нэрэмжэтэ номой сангай
хизаар ороноо шэнжэлэлгын таhагые даагша
