Юрэнхылэгшын фондын дэмжэлтээр Буряад хэлэн ба уран зохёолой багшанарай Ассоциаци «Буряад хэлэндээ hонирхол түрүүлхэ» гэhэн түлэблэлөө ябуулжа, «Минии бүлэ» челлендж соносхоhонойнгоо дүн татаба.
Мүрысѳѳндэ хамта дээрээ 31 хүн хабаадаа. Хабаадагшалай ажаhууhан газар уhыень нэрлэбэл: ехэнхиниинь Үбэр -Байгалай хизаарай Агын тойрогой болон Буряад оронhоо, мүн Новосибирск, Москва хотонуудhаа болоно.
Мүрысѳѳндэ хабаадагшадай гэртэхин болон багшанарта халуун баяр хүргэнэбди.
Дүнгүуд хүн зоной hонирхон хараhан тоогоор гаргагдаа:
1-дэхи hуурида — Раднаев Амгалан, Амидхаашын дунда hургуулиин 3-дахи «а» ангиин hурагша;
2-дохи hуурида – Цыренжапов Доржи, Амидхаашын дунда hургуулиин 5-дахи «а» ангиин hурагша;
3-дахи hуури – Тулохонова Аня, Улаан-Үдэ хото.
Урмашуулгын шанда — Рыжова Мария, Москва хото болон Аюрова Санжита, Үбэр-Аргалиин дунда hургуулиин hурагша хүртэбэд.
