Жисаа ба жасаа гэжэ хоёр үгын удха ондо ондоо.
Жисаа гараг (неделиин нэгэ үдэр) хүн бүхэндэ байдаг. Жэшээнь, хулгана жэлдэ түрэhэн зоной жисаа гараг – Бимба (суббота), үхэр жэлтэнэйхи – Пүрбэ (четверг) г.м. муу үдэр гэжэ ойлгохо хэрэгтэй.
Жасаа – айл бүхэнэй жэл бүри өөhэдынгөө сахюусан бурханай номуудые ламанараар уншуулжа, хэшэг буянаа дуудуулжа, тахилга хэдэг нэгэ үдэр, тусхайлмал үдэр байхагүй, жэлэй нэгэл hайн hайхан үдэр шэлээд, ламада харуулаад уншуулха.
Доро үгтэhэн таблица хараhан хүн бүхэн абаhаар лэ таараха, таарахагүй (харша) жэлнүүдээр hонирхохо байха. Энээниие, илангаяа гэрлэхэдээ, хэшээхэ хэрэгтэй юм.
Мүн нэгэ бүлын хүнүүд, жэшээнь, эхэ басаган хоёр бэе бэедээ харша жэлтэй байбал – муу. Энэ ушарта тусгаар заhал хүүлэдэг.
Тиихэдэ хүн бүхэн hүлдэ, амин, жисаа гарагууд байдаг. Жэшээнь, луу жэлтэнэй hүлдэ гараг – Нима (воскресенье), амин гараг – Һагба (среда), жисаа гараг – Пүрбэ (четверг). Эдэ гарагуудаа мэдэжэ ябаха зэргэтэй. Һүлдэ гараг хүнэй hүр hүлдэтэй (жизненная сила, дух, интеллект) холбоотой бүхы хэрэг үйлэдэ урагшатай. Амин (жизнь) үдэртөө ажабайдалдаа шухала ажал хэрэг бүтээхэдэ – hайн.
Жисаа үдэртөө (ондоогоор шүдхэрэй, үхэлэйшье үдэр гэдэг) холын харгыда гаража болохогүй, ехэ хэрэг урагшагүйдэхэ, бүтэхэгүй.
Цыремжит Батоевагай суглуулбариhаа.
