Һүниндөө hара газарые гэрэлтүүлнэ.
Һарын эхиндэ – нэгэн шэнэдэ hара харагдадаггүй.
Шэнын хоёрой үдэшэ, наранай оромсоор, тэнгэриин хаяада, горизонт дээрэхэнэ hара нариханаар гарадаг. Хүдөө нютагта ажаhуудаг зон энэ hарые алдангүй хаража, түхэлөөрнь сагай уларил уридшалан мэдэхые оролдодог. Үзүүртээ нарин, дээшээшэг аад, хүхэбтэр байгаа hаань, хүйтэн hара гараа гэлсэдэг. Улаабтар hарын гарахада, дулаан гэлсэхэ. Шанагань доошоошог гараа hаань, бороотой, саhатай байха.
Һарын найман болоходо, түхэреэниинь тэгшэ хахад байдаг.
Арбан табанай hара түб түхэреэн, малагар байха, hайнаар гэрэлтүүлхэ, нарантай үрдилдэн гараха. Наранай бултайжа эхилхэдэ, саашаа түргэхэн орожо, харагдахаяа болихо. Арбан табанhаа хойшо hара хуушараад, «С» үзэгтэ адли байхал даа. Хуушарhан hара hүниин тэнhээ хойшо бултайжа гарадаг, үглөөгүүр орохо, огторгойдо наранай гэрэлhээ харагдангүй байха.
Монгол hарын 27-28-да хүйтэн үдэрнүүд болоо hаань, удаадахи гараха hара хүйтэн байдаг агша. Харин 27-28-да дулаан үдэрнүүд байгаа hаань, дулаан, тэнигэр hара гараха.
Тон hүүлшын, 30-ай үдэр hара харагдадаггүй, төөримэ харанхы hүни байдаг юм.
Цыремжит Батоевагай дэбтэрhээ.
