Хүн гээшэ муу талатайгаар юундэ хүмүүжэдэг бэ гэхэдэ:
— үлүү ехээр эрхэлүүлээд, дура зоргоорнь орхиhон хүүгэд гансал өөрыгөө үмөөрөөд, хэнииешье хүндэлдэггүй, үгэ хүүр ойлгодоггүй хүн болодог;
— гэр соогоо зэмэлүүлжэ гү, али наада барюулжа хүмүүжэhэн хүүгэд ходол бэеэ гэмтэйдэ тооложо, зориггүй, өөдэгүй зантайгаар үндыдэг;
— эхэ эсэгэ хоерой хоорондоо муу харилсаатай, хэрэлдээтэй, ходо hамаргаантай байбал, хүүгэдынь үсэд, сухалтай, хүжүүн, дээрэлхүү зон болодог;
— гэртэхин, аха дүүнэр, түрэл гарал — дүтын зон хүүгэдые хара багаhаань наадалжа, шоо үзэжэ, муухайхан шэг шарайдань гү, али бэеынь дутууда орожо үндылгөө hаань, өөрыгөө өөдэгүй муу муухай хүнhөө дороб гэжэ hанажа, томо болодог;
— хүүгэдые ходол шүүмжэлжэ байха хэрэггүй — ходол hөөргэдэдэг, хэрзэгы хүн болошохо;
— хүүгэдые зэмэлэнгүйгөөр урин наринаар хандажа hургаха хэрэгтэй — зэмэлүүлдэг хүүгэд зориггүй байдаг;
— үмөөрүүлдэг хүүгэд хүниие тоодоггүй гэхэ гү, али хүнэй үгэ ойлгодоггүй, хэрзэгы байдаг — зоргоороо ябаад, харгыгаа алдахаяа hанадаг;
— хүүгэдэй зоргоор эриhэн, хорхойтоhон юумыень үгэжэл байбал, саашадаа бэлэ бэлээр хэлэдэг, эрижэл байдаг хүн болодог;
— гэртэхинэй хүүгэдтээ ходо бадарганаар хандахада, шэрүүн зантай, hайниие ба мууе илгадаггүй хүүгэд үндыдэг;
— хүүгэдые хүсэнhөөнь үлүүгээр багаhаань зараад, саг үргэлжэ хараажа, айлгажа, бүри сохижо байгаа hаа, зүрхэгүй болодог, омогынь сүхэрхэ, оюун бэлигынь дэлгэрхэгүй, хүгжэхэгүй;
— үхибүүдые зэмэлхэдээ, толгойень огтолон сохижо болохогүй — заяашань гомдохо;
— ехээр хоригдоhон, гэмнэгдэhэн хүүгэд худалаар хэлэжэ, бэеэ аршалдаг болодог;
— гэртээ эдеэ хоол ходо нормоор эдидэг хүүгэд үлэнхэ болодог, бүри томошье болоходонь тэрэнь үлэшэдэг;
— хүүгэд ехэ болохо бүреэ ухаажажа, хүүгэд ябаhан наhаяа, hургуулингаа наhа дурсан hанажа ябадаг, тиимэhээ багал наhанhаань ажалда хабаадуулжа, хүдэлмэриин дүршэлтэйгөөр hургахада, тэрэ дүршэлэйнь саашанхи ажаhуудалдань hайн байхань лабтай.
Багшын ажалай ветеран
Цыремжит Батоевагай суглуулбариhаа.
