Зунай дунда hарын 9-hөө 16 болотор уhанда пагшаг буудаг юм.
Уhан соохи бүхы амиды байгаалиин жэжэ hажа, хүнэй нюдэндэ торолдожо, харагдахааршье бэшэ хорхой шумуулнууд түрьhэеэ (икринки) гаргажа хаяад, олошорхо үень болоно.
Энэ үедэ уhанда орохонь муу, бэедэ яра түүхэй бии болохо, эдэгэжэ ядаха. Иимэ түрьhэ ехэтэй уhые пагшагтаа гэдэг.
Урданай наhатайшуул энэ сагые алдангүй, хүүгэдтээ ойлгуулжа хэлэдэг байгаа. Нюур гараа, нюдэеэ бү угаагты гэжэ захиха. Зурхайгаар харахада, энэ үедэ Һара уhанда hулаар нүлөөлнэ. Уhанай амтан аягүй, үнгэнь бүрэбтэр булангиртай, агаарынь муухай болодог гээшэ. Тиимэhээ уhанай арга хэжэ болохогүй. Пагшагай үедэ уhан хорото шанартай гэжэ ойлгохо шухала.
Байгаалиин хубилалтануудые адаглажа, хайхаран хандажа, хубилалтануудыень зүбөөр ойлгожо ябаха гээшэ хүн бүхэнэй уялга.
Цыремжит Батоевагай суглуулбариhаа.