Сультим Бадмаев: эмчи-лама с поразительной судьбой

Сультим (Александр) Бадмаев родился в улусе Таптанай Дульдургинского района. Отец его — Донсухан Бадма происходил из барун хуасайского рода, переселившегося из Тугнуйской долины Бурятии в Агинские степи. Прадед Сультима — Засогол Шуленге-Басуту ездил с бурятской делегацией в 1703 году в Москву и получил грамоту от Петра I.

Родословная Бадмаевых, опубликованная П.А. Бадмаевым.

Большая семья Бадмы Донсуханова и Пагмы Монтухановой, где росли 14 детей, в том числе 7 сыновей, имела 50 голов КРС, 100 овец и 30-40 лошадей. Дети степняков-скотоводов рано приучались к домашнему труду, ухаживали и пасли скот. Бадма, будучи грамотным и честолюбивым человеком, стремился дать образование своим детям. Старшего сына Сультима в шестилетнем возрасте отдают в буддийскую школу Агинского дацана. После трудной десятилетней учебы Сультим успешно заканчивает медицинский факультет буддийской высшей школы, ему присваивается звание ученого ламы (манрамба), то есть профессора тибетской медицины. Став одним из образованнейших лам Агинского дацана, весьма успешно занимался врачебной деятельностью сначала среди местного бурятского населения, а затем и среди русских и тунгусов Восточного Забайкалья.

С.Бадмаев — эмчи-лама

В период разразившейся в 1852 году тифозной эпидемии в г. Чите начался мор среди населения. Встревоженный генерал-губернатор Восточной Сибири граф Муравьев-Амурский, будучи наслышан о тибетской медицине, пригласил самого известного ее представителя в нашем краю эмчи-ламу Сультима Бадмаева для борьбы с эпидемией. Страшная эпидемия, унесшая жизнь многих читинцев и оказавшаяся не под силу медицинским работникам, была побеждена примененными ученым-ламой методами и средствами тибетской медицины. Спустя некоторое время он был избран членом-сотрудником Восточно-Сибирского отдела Русского Географического общества.

Молва о лечебной практике Бадмаева получила широкое распространение по всей Сибири, дошла до столицы Российской империи. При содействии Н. Муравьева-Амурского в 1857 г. Сультим был приглашен в столицу. В столице он прошел непростые испытания, методы его лечения были проверены самым строгим образом. В 1960 году вышел вердикт, согласно которому Бадмаеву разрешено было лечить больных в военном госпитале. Причем перед ним были поставлены жесткие условия: «По высочайшему повелению Медицинский департамент Военного министерства (своим решением №10182 от 3 октября 1860 года) предлагает Бадмаеву лечить больных, одержимых бугорчаткой (устаревшее название туберкулёза) во всех степенях развития, и испытать свои средства над больными, одержимыми раком в Николаевском военном госпитале под наблюдением врачей». Если эмчи Бадмаев не докажет на практике, что его лечение приносит пользу, то, говорилось в решении, правительство откажет ему в медицинской практике. Однако жесткие требования не остановили Бадмаева, и он сумел справиться с поставленными задачами, трудясь упорно и самозабвенно.

В 1860 г. он открывает в Петербурге аптеку тибетских лекарств, начинает заниматься частной практикой. Многие его пациенты были вылечены, факты чудодейственных исцелений способствовали умножению рядов его поклонников. Через год выдержал экзамен на звание лекарского помощника и 16 января 1862 года ему присвоили чин с правом носить военный мундир и пользоваться привилегиями военного врача.

С.Бадмаев — военный врач.

В 1865 году был произведен в губернские секретари.

Одним из его пациентов стал настоятель храма Святого Пантелеймона Иоанн Кронштадтский, и для братьев Бадмаевых встреча с ним стала судьбоносной. Иоанн познакомил их с цесаревичем Александром (будущим императорои Александром III) и, когда в 1872 году Сультим и Жамсаран пожелали перейти в православие, наследник престола стал их крестным отцом. Сультиму при крещении было дано имя правящего императора Александра II, Жамсарану – имя первого российского императора. Оба брата получили отчество своего крестного отца – стали Александровичами.

Крещение Сультима многие называют притворным. Имеются сведения, что ранее он, напротив, противодействовал крещению своих земляков и на родине даже был арестован за антироссийскую пропаганду. 13 июля 1866 года епископ Селенгинский Вениамин (Благонравов) писал архимандриту Владимиру (Петрову) об аресте Сультима: «…Буряты сами представили все его письма, частные и циркулярные, также что-то вроде прокламации, в которых он возбуждал в них дух недовольства и обращал мысли их в Монголию, более всего напирал на то, что крестят их для того, чтобы обратить потом в крестьян и отдать в солдаты». Но это всё же было ещё за 6 лет до его крещения. В 1866 году никто не захотел всерьёз заниматься делом уже ставшего влиятельным и имевшего высоких покровителей врача.

К Александру Александровичу Бадмаеву потянулись больные, он приобрел среди них влиятельных и сановных людей столичного города.

Его женой становится русская женщина. А.А. Бадмаев женился на дочери действительного статского советника М.А. Зубкова. Позднее, в 1872 г. Александра Михайловна стала восприемницей при крещении Жамсарана.

Известно, что к моменту приезда в Петербург Сультим Бадмаев имел написанную на старомонгольском книгу «Лечебник», которая являлась переводом с тибетского на монгольский язык основного трактата тибетской медицины «Жуд-ши». Перевести на русский язык он не смог, так как плохо знал русский. К сожалению, он так и не овладел хорошо русским языком. С 1866 года он безвозмездно работает лектором монгольского языка на факультете восточных языков Петербургского университета, с 1868 разрешена была выдача его лекторского оклада.

В знак благодарности за успешную медицинскую практику по применению средств и методов тибетской медицины российский император повелел младшего брата Сультима Жамсарана «поместить в Иркутскую гимназию в комплекте пансионеров Его Императорского Величества». Жамсаран успешно обучается в Иркутской гимназии, которую заканчивает с золотой медалью. У него появляется возможность стать чиновником в Забайкальской области. Но судьба распоряжается по-другому: старшему брату Сультиму был нужен помощник и преемник. Выбор падает на Жамсарана, который приезжает в столицу Российской империи и становится студентом факультета восточных языков Петербургского университета, одновременно обучаясь у брата и помогая ему в медицинской практике. После смерти брата, он, будучи еще студентом, стал владельцем его аптеки.

Сультим Бадмаев скончался 27 сентября 1873 года весьма почитаемый населением, медицинской и университетской общественностью. Детей у него не было, однако он сыграл огромную роль в воспитании и учебе младшего брата Жамсарана (Петра Александровича) Бадмаева, к которому перешло в распоряжение его богатое медицинское наследие. Впоследствии основным продолжателем его дела стал их племянник Осор, по православию Николай Николаевич Бадмаев, выпускник Императорской Военно-медицинской Академии.

Иллюстрации из книги Кузьмина Ю.В. «Доктор П.А.Бадмаев: ученый, дипломат, предприниматель».

Дарима Базарова,

главный библиотекарь отдела ИСО

Агинской краевой библиотеки им.Ц.Жамцарано.

Источники:

• Батоев Д.Б., Нимажапова Ц.Ц., Батомункуева М.Б. Родословная Бадмаевых из Таптаная // Славлю и горжусь, мой Таптанай! – Улан-Удэ: НоваПринт, 2016.
• Кузьмин Ю.В. Доктор П.А.Бадмаев: ученый, дипломат, предприниматель. – М.: Товарищество научных изданий КМК, 2014.
• Рыжов В. А. Таинственный доктор Петр Бадмаев. — https://topwar.ru/222796-tainstvennyj-doktor-petr-badmaev.html

Сультим Бадмаев: гайхалтай хуби заяатай эмшэ лама

Энэ жэлдэ түбэд эмшэн Сультим (Александр) Бадмаевай түрэhөөр 195 жэлэй ой тэмдэглэгдэнэ. Зарим эшэ үндэhэндэ тэрэ 1826 ондо түрэhэн гэжэ заагдана, нүгөө заримандань — 1827 ондо. Харин бидэ Үбэр Байгалай хизаарай тайлбари толиин (энциклопедия) мэдээндэ үндэhэлнэбди, тэндэ мэдээжэ хизаар ороноо шэнжэлэгшэ, баhал Табтаанайhаа уг гарбалтай эрдэмтэн Жигмит Тумуновай статья соо 1830 он заагаатай байна.

Сультим (Александр) Бадмаев Дулдаргын аймагай Табтаанай нютагта түрэhэн юм. Тэрэнэй эсэгэ — Донсуухан Бадма гээшэ Буряад ороной Түгнэhөө Агын тала дайда руу нүүжэ ерэhэн баруун хуасай омогой хүн байгаа. Сультимай үбгэ эсэгэ — Засогол Шуленге-Басуту гээшэ хори буряадай түлөөлэгшэдтэй суг 1703 ондо Москва ошоhон, I дугаар Петр эзэн хаанhаа грамота абаhан түүхэтэй.

П.А. Бадмаевай толилhон угай бэшэг.

Бадма Донсуханов ба Пагма Монтуханова хоерой гэр бүлэ 14 хүүгэдтэй, тэрэ тоодо 7 хүбүүдтэй hэн ха. Энэ ехэ гэр бүлэ 50 толгой эбэртэ бодо мал, 100 хони болон 30-40 адуу баридаг байгаа. Тиимэhээ хүүгэдэйнь хара багаhаа гэрэй ажалда дүршэнги, мал ажаллажа боргожонги болоhониинь гайхалгүй.  Гэрэй эзэн Бадма гээшэ үзэг бэшэг мэдэхэ, эрмэлзэл ехэтэй хүн байhан тула хүүгэдтээшье hайн эрдэм мэдэсэ үгэхые, болбосорол олгохые оролдоо. Ехэ хүбүүн Сультимэйнгоо зургаатай байхада, Агын дасанда хубараг болгожо үгэнэ. Тэрэнь хүшэр хүндэ арбан жэлэй туршада ном үзэжэ, hуралсалаа түгэсхэхэдөө, эмшэ ламын эрдэмэй зэргэтэй — манрамбын зиндаатай болоо. Энэ хадаа түбэд эмнэлгын профессорэй зэргэ болоно бшуу. Агын дасанай эрдэм ехэтэй ламанарай нэгэн болоод, түрүүн нютагайнгаа буряад зоной дунда, удаань Зүүн Үбэр Байгалай ородууд болон тунгусуудай дунда эмнэлгын ажал ехэ амжалтатайгаар ябуулаа.

С.Бадмаев — эмшэ-лама.

Шэтэ хотодо 1852 ондо тиф халдабариин дэлгэрһэн үедэ ажаһуугшадай дунда үбшэн тахал эхилбэ. Ехэтэ hанаагаа зобоhон Зүүн Сибириин генерал-губернатор граф Муравьев-Амурский түбэд эмнэлгэ тухай дуулаhан байжа, энэ нютаг орондо эгээл мэдээжэ эмшэ лама болохо Сультим Бадмаевые тахал үбшэнтэй тэмсэхыень уриба. Заншалта эмнэлгын хүдэлмэрилэгшэдэй диилэхээр бэшэ, олон шэтынхидэй ами наһа абаһан аймшагтай халдабарита үбшэндэ түбэд эмнэлгын аргануудые хэрэглэн бууруулhаар, эрдэмтэ лама диилэжэ шадаа. Тэрэнэй hүүлээр Оросой Географическа бүлгэмэй Зүүн Сибириин таhагай хүдэлмэрилэгшэ-гэшүүнээр hунгагдаhан байна.

Удангүй С.Бадмаевай эмнэлгын дүршэл тухай hураг суу бүхы Сибириин нютагуудаар үргэнөөр тараhаар, хаанта Оросой ниислэл хүрэhэн байна. Н.Муравьев-Амурскиин туһаламжаар 1857 ондо Сультим Бадмаев ниислэл хото уригдана. Ниислэл хотодо бэлэн бэшэ шалгалтануудые гараа, эмшэлгын аргануудынь тон хананхатайгаар шалгагдаа. 1860 ондо ниитын түлѳѳлэгшэдэй гаргаһан шиидхэбэриин еhоор Бадмаев сэрэгэй госпитальдо үбшэнтэдые аргалха эрхэтэй болоhон байна. Тиихэдээ тэрэнэй урда шангахан эрилтэ табигдаа: «Дээдын захиралтаар Сэрэгэй яаманай эмнэлгын таһаг (1860 оной октябриин 3-ай 10182-дохи шиидхэбэреэр) Бадмаевые hая эхилжэ байhан, ужагшье уушханай ханяадатай үбшэнтэниие эмшэлхыень, тиихэдэ Николаевска сэрэгэй госпитальдо эмшэдэй харууһан доро хорото хабдартай үбшэнтэд дээрэ өөрынгөө эмүүдые туршахыень дурадхана». Хэрбэеэ тэрэнэй эмнэлгэ ашаг туhатай гэжэ эмшэн Бадмаевай бодото дээрээ гэршэлээгүй hаань, тэрэнэй даадхал гарахые засагай газар арсаха байгаа гэжэ саашань энэ шиидхэбэри соо хэлэгдэнэ. Зүгөөр ямаршье шанга эрилтэнүүд Бадмаевые тогтоогоогүй, тэрэ үсэд нэтэрүүгээр ба ами бэеэ гамнангүй хүдэлжэ, табигдаhан даабарииень дүүргэжэ шадаал даа.

Сультим Бадмаев 1860 ондо Петербургда түбэд эмүүдэй аптекэ нээжэ, хүн зониие эмшэлжэ эхилнэ. Аргалуулагшадайнь тон гайхалтайгаар элүүр мэндэ болоhон баримтанууд тэрээндэ хандагшадай тоо олошоруулгада нүлөөлөө. Жэл болоод, эмшэнэй туhалагшын зэргэдэ шалгалта тушааба. Тиин 1862 оной январиин 16-да Агын талаhаа гараhан ламада сэрэгэй хубсаһа үмдэхэ эрхэтэй сэрэгэй эмшэнэй зэргэ олгогдоhон байна.

С.Бадмаев — военный врач.

Удангүй 1865 ондо губернскэ секретариин зэргэтэй болоо.

Тэрээндэ аргалуулагшадай нэгэн Нангин Пантелеймоной сүмын шэрээтэ Иоанн Кронштадтский гэгшэ байгаа. Энэ санаартантай уулзалга аха дүү Сультим Жамсаран Бадмаевуудай хуби заяа эрид хубилгаhан байна. Иоанн тэдэниие хаан тайжа Александртай (ерээдүйн эзэн хаан III Александртай) танилсуулһан, тиигээд 1872 ондо Сультим Жамсаран хоерой үнэн алдарта шажанда ороходо, ерээдүйн эзэн хаан тэдээндэ хэрээhэ зүүлгэhэн эсэгэнь болоо. Хэрээhээ зүүхэдээ, Сультим эзэн хаан II Александрай нэрэ, харин Жамсаран Оросой нэгэдэхи эзэн хаан болохо I Петрой нэрэ абаа. Хоюулаа хэрээhэ зүүлгэhэн эсэгынгээ нэрээр обог хэжэ, Александровичууд болоhон байха юм.

Сультим Бадмаевай хэрээhэ зүүлгэ хуурмаг гэжэ зарим зон тоолоо. Ушарынь гэхэдэ, урда тээнь тэрэнэй нютагайхидайнгаа хэрээhэ зүүлгэдэ эсэргүүсэһэн, бүри Орос гүрэндэ эсэргүү идхалга нютаг дээрээ ябуулhанайнь түлөө тушааха тухай мэдээн бии. 1866 оной июлиин 13-да Сэлэнгын епископ Вениамин (Благонравов) архимандрит Владимирта (Петров) Сультимые тушааха тухай иигэжэ бэшэһэн байна: «Тэрэнэй хубиин ба хэдэн тушаалта нюурнуудта зорюулагдаhан бэшэгүүдые, мүн тунхаглал шэнги юумэ буряадууд өөһэдөө үгөө, тэдээн соогоо тэрэ байдалаа шамарлалгын бодол хүн зондо түрүүлнэ, һанал сэдьхэлыень Монгол руу шэглүүлнэ, гадна тэдэниие таряашад болгожо, сэрэгтэ үгэхэ зорилготойгоор хэрээhэ зүүлгэнэ гэжэ онсолон тэмдэглэнэ…». Теэд эдэ бүгэдэ тэрэнэй өөрөө хэрээhэ зүүхын 6 жэл урда тээ болоhон үйлэнүүд шуу. Ниислэл хотодо нилээд ехэ нүлөөтэй ба үндэр зиндаатай дэмжэгшэдтэй болоод байhан түбэд эмшэнэй хэрэг 1866 ондо хэншье дахяад онгилхоео hанаагүй.

Нээрээшье, тэрэ үедэ Александр Александрович Бадмаевта үбшэнтэд олоор хандадаг болоhон, тэдэнэйнь дунда ниислэл хотын нүлөө ехэтэй, хүндэтэй, нэрэ зэргэтэй хүнүүд байhан ха.

Удангүй ород hамга абана: бодото статска советник М.А.Зубковой басагантай гэрлэбэ. Хожомынь, 1872 ондо Александра Михайловна Жамсаран Бадмаевта хэрээhэ зүүлгэhэн эхэнь болоhон түүхэтэй.

Петербург ерэхэдээ, Сультим Бадмаев хуушан монгол хэлэн дээрэ бэшээтэй эмнэлгын номтой байгаа гэжэ мэдээжэ, тэрэнь — «Жуд-ши» гэһэн түбэд эмнэлгын гол зохеолой монгол хэлэн дээрэ оршуулга. Харин ород хэлэн дээрэ тэрэниие оршуулжа шадаагүй: ород хэлэндэ муу байhан ха. Харамтайнь, тэрэ саашадаашье ород хэлэ hайнаар шудалаагүй. 1866 онhоо Петербургын ехэ hургуулиин зүүн зүгэй хэлэнүүдэй факультедтэ монгол хэлэнэй сүлөөтэ багшаар хүдэлнэ, 1868 лэ онhоо багшын салин абажа эхилээ.

Түбэд эмнэлгэ хэрэглэн, эмшэлхэ ажал амжалтатай ябуулһандань баярые хүргэhэнэй тэмдэг болгожо, Оросой эзэн хаан Сультимай дүү хүбүүн Жамсараниие «Эзэн хаанай тэдхэмжэ доро байhан hурагшадай дунда Эрхүүгэй гимназида оруулха» гэжэ захирба. Жамсаран Эрхүүгэй гимназида ехэ амжалтатайгаар hураад, тэрэнээ алтан медальтайгаар дүүргэhэн намтартай. Һүүлээрнь тэрэ Үбэр Байгалай можодо гүрэнэй албатанай тушаал эзэлхэ арга боломжотой болобо. Теэд хуби заяаниинь ондоохоноор эрьеэ: Сультим ахадань туhалагша ба ажалыень даган абаха хүн тон хэрэгтэй байба. Тиигэжэ Жамсаран Оросой эзэн хаанта гүрэнэй ниислэл хото ерэжэ, Петербургын ехэ hургуулиин зүүн зүгэй хэлэнүүдэй факультедэй оюутан болоно, ахадаа туhалжа эхилнэ. Оюутан ябаха хаhадань ахань наhа баража, тэрэнэйнгээ аптекэ даажа абаhан юм.

Сультим Бадмаев наhан дундаа, хүн зоной дунда ехэ хүндэтэй, эмнэлгын ба ехэ hургуулиин оршондо ехэ сэгнэгдэдэг эмшэн болоод ябатараа, 1873 оной сентябриин 27-до энэ дэлхэйтэеэ хахасаhан байна. Өөрын хүүгэдгүй байhан, зүгөөр Жамсаран дүү хүбүүгээ (суута Петр Александрович Бадмаевые) хүмүүжүүлхэ ба hургаха хэрэгтэ нилээд ехэ үүргэ дүүргэhэн хүн. Түбэд эмнэлгыень саашань Жамсаран дүүнь ябуулаа. Хожомоо энэ хэрэгыень Сультим Жамсаран хоерой аха дүү болохо Будын хүбүүн, Эзэн хаанай Сэрэгэй-эмнэлгын Академи түгэсхэгшэ Осор — Николай Николаевич Бадмаев үргэлжэлүүлhэн байна.

Дарима Базарова,

Ц. Жамцараногой нэр. Агын хизаарай номой сангай

мэдээсэлэй таhагай ахамад библиотекарь.

Эшэ үндэhэн:

• Батоев Д.Б., Нимажапова Ц.Ц., Батомункуева М.Б. Родословная Бадмаевых из Таптаная // Славлю и горжусь, мой Таптанай! – Улан-Удэ: НоваПринт, 2016.
• Кузьмин Ю.В. Доктор П.А.Бадмаев: ученый, дипломат, предприниматель. – М.: Товарищество научных изданий КМК, 2014.
• Рыжов В. А. Таинственный доктор Петр Бадмаев. — https://topwar.ru/222796-tainstvennyj-doktor-petr-badmaev.html