Алексей Тенчойгой «Сагаахан заан Ланченкар» гэhэн ном соо ороhон онтохонууд үхибүүдые зохеохы ажал тээшэ абаашана, тэдэндэ уран зохеол бүтээлгые ойлгуулна. Онтохонууд соо ганса гол геройнуудай хубилалта бэшэ, харин Үгын, Хэлэнэй, Хэлэлгын ба hүнэhэнэй хубилалтые харуулна. Тиимэhээ энэ онтохонууд ехэ hонирхолтой ба hургаалтай. Авторай уран бүтээлнүүд – гүнзэгы удхатай, ажабайдал тухай бодомжолго үгэдэг ба үгын удха дээрэ ехэ ажал хэжэ, ажамидаралай үнэн бодото байдал тухай мэдэсэ үгэнэ.
Гүнзэгы удхатай, hонирхолтой энэ онтохонуудтайнь танилсахаяа, уншахаяа Цыбен Жамцараногой нэрэмжэтэ номой санда ерэхыетнай уринабди!
Цыдыпова Ж.Н.,
хизаар ороноо шэнжэлэлгын таhагай мэргэжэлтэн
