Эсэгэ ороноо хамгаалагшын жэлдэ болон Эсэгын дайнай Илалтын 80 жэлэй ойдо зорюулагдаһан Үбэр Байгалай хизаарай уран зохёолой мүрысөөнэй «Шүлэг» янзада илагшын нэрэ зэргэдэ хүртэhэн Намсалма Доржипалановагай зохёол.
Харюугүй асуудал
Эхын уураг хэшэгтэй,
Эсэгын һургаал хуягтай
Эрын хэмдэ хүрэһэн
Эрдэни-хүбүүд, найдалнай.
Эсэгэ тэнгэриин заяатай,
Эзэн Чингисэй һүлдэтэй
Эмнигэй шадал үзэһэн
Эрхим шамбай хүбүүднай.
Эзэмдэхэ түсэб, хүсэлтэй
Эсэргүү муухай дайсадтай
Эршэ хүсөө зангидан,
Эрид тулалдана, Баатарнууднай.
Эрэмдэг, шархатай болонхой,
Энгэр сээжэдээ шагналтай
Эрын солодо хүртэһэн
Эсэгын Бүргэд хүбүүднай.
Эршэтэ һүрөөтэй зэбсэгэй
Эбхэрһэн хорото долгиной
«Эрьюулгэдэ» унажа мүнхэрһэн
Эрдэни-хүбүүд хайратай.
Энхэ мэндэ үлэһэн
Ээмлиг хүдэр хүбүүднай
Эсэгынгээ сэргэдэ хэзээ
Эльгэлэн буужа жаргахаб?!
Эгүүридэ мүнхэрһэн сэрэгшэдэй
Элиһэн һүнэһэн төөрингүй
Элдин тоонто нютагаа
Эрьежэ хэзээ бусахаб?!
Эхэ дэлхэйн үринэр
Эбэй ульһаар дулаасажа,
Этигэлээ алдангүй хэзээдэшье,
Эбтэй хэзээ ажамидархаб?!
Хэзээ…хэзээ…хэзээ…
Намсалма Доржипаланова.
28.03.2025.
Тугшан — Шэнэ-Орловск.
