Юрэнхылэгшын фондын дэмжэлтээр үнгэргэhэн «Эрын гурбан наадан» гү, али «Минии hонирхол” гэһэн hүүлшын мүрысөөнэй дүн татагдаба.
Мүрысѳѳндэ хамта дээрээ 20 хүн хабаадажа, өөрынгөө hhонирхол тухай видео, фото материалнуудые эльгээгээ. Бидэ, шүүгшэд ехэ hонирхон харабабди, бултанда халуун баяр хүргэнэбди.
Онсолон хэлэхэдэ, үхибүүд бэеын тамираар, зурагаар, баримал болон дуугаар hонирхоно гэжэ тэмдэглэбэбди. Тэрээнhээ гадна бэе hорижо, ехэ дүнгүүдые туйлажа байгаа спортсменуудаар hонирхохо үхибүүд байна.
Дүнгүүдые гаргахадаа, hайнаар буряадаараа хөөрэжэ шадаха болоо гү, видео эльгээгээ гү гэхэ мэтые хараадаа абажа гаргаабди:
1-дэхи hуурида —Тулохонова Аня, Улаан-Үдын юрэнхы болбосоролой дунда hургуулиин hурагша.
1-дэхи hуурида — Очиров Арья, Улаан-Үдэ хотын «Калинка» сэсэрлигэй хүмүүжэмэл.
2-дохи hуурида – Дугарова Сарана, Могойтын юрэнхы болбосоролой 2-дохи дунда hургуулиин hурагша.
3-дахи hуури – Рыжов Вячеслав болон Рыжова Мария, Ивантеевкын юрэнхы болбосоролой дунда һургуулиин һурагшад эзэлбэд.
