«8» тоо

Найма «8» тоо буддын шажантай ехэ холбоотой ба удха шанартай.

«Найман гэгээн»

«Найман Гэгээн» хадаа Бурхан багшын анхан айладаhан номой нэгэн юм. Гурбан мянган юртэмсын, мүн газар дээрэ ба доронь байгаа амитадые эбигээлжэ (аршалжа), үлзы хутагай (благополучие) саг бадархын үреэл табиhан юм. Найман тэнгэриин тахилгашье гэжэ нэрлэдэг. Ужаг (хүндэ) үбшэнтэндэ айладхахада (уншажа ябахада), hайн гэдэг. Хэрбэеэ хадаг табихын урда тээ 3 дахин «Найман Гэгээниие» уншабал, hайн дэмбэрэлтэй ажаhууха. Холын харгыда гарахын урда тээ 3 дахин уншахада, хуу юумэн hайн байха. «Найман гэгээниие» 3 дахин уншаха, нэгэ уншаад болишохогүй.

8 шатата зам

8 шатата зам найман шатаhаа гү, али алхамhаа бүридэдэг гэбэл:

— зүбөөр ойлголго,

— зүб эрмэлзэл,

— зүб бодол,

— зүб хэлэлгэ,

— зүб үйлэ,

— зүбөөр ажаhуулга,

— зүб оролдолго,

— зүбөөр ухаагаа гулидхан шэглүүлгэ.

Буддын шажанда 8 бодисада бии.

8 тахил

Бурханай урда найман зүйлhөө бүридэhэн тахил табигдадаг:

1. уhан (үльмыгөө hэрюусүүлхэ);
2. уhан (нюураа hэрюусүүлхэ);
3. сэсэг;
4. багсаа хүжэ;
5. зула;
6. уhан (ундаяа харяаха);
7. балин;
8. бүреэ гү, али хонхо.

Үргэлжэлэл хожом гараха.

Багшын ажалай ветеран

Цыремжит Батоевагай суглуулбариhаа.